Buhari Ya Yi Alkawarin Kammala Ginin Kasuwar Gold A Kano Kafin Karshen 2022
Gwamnatin tarayya karkashin jagorancin shugaban kasa Muhammadu Buhari ta bayyana cewar za ta kammala ginin kasuwar gwala-gwalai ta jihar Kano kafin karshen shekarar 2022.
shugaban kasa Muhammadu Buhari ya bayyana cewa kasuwar gwala-gwalan za ta yi gogayya da sauran kasuwannin gwala-gwalai na duniya idan aka kammala ta kafin karshen shekarar 2022.
Wannan batun ya fito ne daga mai ba shugaban kasa shawara a kafofin sadarwa ta zamani, Bashir Ahmed ya fitar a shafinsa na zumunta Twitter, ya ce ministan ma’adinai da karafe, Olamilekan Adegbite ne ya bayyana wannan babban ci gaban.
