Barcelona Ta Yi Cefanen Ferran Torres A Manchester City

Kungiyar Barcelona ta sayi dan wasan gaba na Manchester City da kasar Sifaniya, Ferran Torres mai shekaru 21.

Related Articles

Sanarwar da Barcelona ta fitar a yammacin Talata ta ce a ranar Litinin mai zuwa 3 ga watan Janairu, za ta gabatar da sabon dan wasan da ta yi cefanensa Manchester City.

Masana tamaule na ganin cewa a halin yanzu Torres shi ne dan wasa mafi muhimmanci da Barcelona ta kulla yarjejeniya da shi, tun bayan rabuwa da gwarzonta Lionel Messi, wanda a yanzu yake taka leda a PSG da ke gasar Ligue 1 a Faransa.

Bayanai sun ce an dai cimma matsaya tsakanin City da Barcelona kan sauyin shekar Torres a kan euro miliyan 55, kudaden da wasu majiyoyi suka ce Barcelonan ta samu ne ta hanyar karbar bashi daga banki, la’akari da matsin tattalin arzkikin da take ciki.

Bayan komawarsa Manchester City daga Valencia, Ferran Torres ya ci kwallaye 16 daga cikin wasanni 43 da ya bugawa kungiyar ta City a ciki da wajen gasar Firimiya, inda ya taimakawa kungiyar wajen lashe kofin gasar, da kuma kofin Carabao.


Follow Hausadrop On Facebook

Leave a Reply

Your email address will not be published.

This site uses Akismet to reduce spam. Learn how your comment data is processed.

Back to top button