Kani Ga Tsohon Gwamnan Kano, Kwankwaso, Ya Rasu

Kani ga tsohon Gwamnan Jihar Kano, Sanata Rabi’u Musa Kwankwaso, wato Kwamared Inuwa Musa, ya rasu.

Sanarwar rasuwar tasa na kunshe ne a cikin wata sanarwa da Jami’in Yada Labarai na Kwankwasiyya, Sanusi Bature Dawakin Tofa, ya fitar ranar Litinin.

A cewar sanarwar, “Cikin mika lamuranmu ga Allah, muna sanar da rasuwar Kwamared Inuwa Kwankwaso, kani ga tsohon Gwamnan Jihar Kano, Sanata Rabi’u Musa Kwankwaso.”

Ya rasu yana da shekara 64 da sanyin safiyar Litinin, 20 ga watan Disamban 2021, a Asibitin Koyarwa na Aminu Kano da ke Kano, bayan wata gajeruwar jinya.

Marigayin dai tsohon ma’aikacin gwamnati ne da ya yi ritaya a matsayin Injiniyan Gona, kuma ya yi karatu a birnin Ibadan na Jihar Oyo da kuma kasar Amurka.

Ya kuma shafe tsawon shekaru yana aiki a matsayin jami’in dashen bishiyoyi a Jihar Kano.

Ya rasu ya bar mace daya da ’ya’ya biyu – Barista Nafisa Inuwa da Zainab Inuwa – da kuma ’yan uwa da dama.

Tuni dai aka ji jana’izarsa a garin Kwankwaso da ke Karamar Hukumar Madobi a Jihar Kano, kamar yadda addinin Musulunci ya tanadar.


Follow Hausadrop On Facebook

Leave a Reply

Your email address will not be published.

This site uses Akismet to reduce spam. Learn how your comment data is processed.

Back to top button